لأصحاب المشاريع
تسجّل مجانًا، تكتب ملخص مشروعك، وتجهّز غرفة بيانات لمستنداتك. المستثمرين بيشوفوا ملخص مُجهَّل الأول، ولما حد يطلب تعارف انت اللي بتقرر توافق ولا لأ. ومعاك دليل إجراءات ومساعدين بالذكاء الاصطناعي وقت ما تحتاجهم.
ابدأ كصاحب مشروعمن نحن
سكة واضحة بين الفكرة والاستثمار
startupme منصة عربية بنكهة مصرية بتجمع أصحاب المشاريع الناشئة بالمستثمرين، وبمقدمي الخدمات — جهات تمويلية ومكاتب محاماة ومحاسبة ومكاتب افتراضية — في مكان واحد، بقواعد واضحة ومن غير عمولات.
المشكلة اللي بنحلها
- 1
صاحب المشروع بيقضي شهور يدوّر على مستثمر مناسب، ويبعت عرضه لناس مش مهتمة بقطاعه ولا بمرحلته.
- 2
المستثمر بيوصله سيل عروض مش مترتبة، ومحتاج يفلتر ويفحص كتير قبل ما يعرف الفرصة تستاهل وقته ولا لأ.
- 3
والإجراءات نفسها — الشكل القانوني والتسجيل والضرايب والحسابات — متفرّقة ومش واضحة لأي حد بيعملها أول مرة.
إزاي بتشتغل لكل طرف
للمستثمرين
تسجّل مجانًا وتتصفح ملخصات المشاريع حسب القطاع والمرحلة. لو مشروع شدّك تطلب تعارف، وبعد موافقة صاحبه توقّع اتفاقية عدم إفصاح وتدخل غرفة البيانات. وأدوات التحليل الذكية اختيارية وبالنقاط.
سجّل كمستثمرلمقدمي الخدمات
جهات التمويل ومكاتب المحاماة والمحاسبة والمكاتب الافتراضية بيشتركوا في المنصة باشتراك سنوي ثابت؛ بيظهروا في «مقدمو الخدمات» وفي خطوات التنفيذ اللي محتاجاهم، وبيستقبلوا طلبات «اسأل متخصص»، وبيشوفوا بس المشاريع اللي أصحابها سمحوا بده.
انضم كمقدّم خدمةمبادئ مش بنتنازل عنها
من غير عمولة
مش بناخد أي نسبة من أي صفقة أو تمويل — لا من صاحب المشروع ولا من المستثمر ولا من مقدّم الخدمة. دخلنا من الاشتراكات والنقاط واشتراكات مقدمي الخدمات الثابتة بس.
المستثمر مجانًا
حسابات المستثمرين مجانية بالكامل، والأدوات الذكية الاختيارية بس هي اللي بالنقاط.
خصوصيتك الأول
المستثمرين بيشوفوا ملخص مُجهَّل لمشروعك، وبياناتك الخاصة مش بتظهر لحد إلا بعد ما توافق على طلب التعارف. ومش بنبيع بياناتك ولا بنستخدم ملفات تتبع إعلانية.
ذكاء اصطناعي ببيانات مُجهَّلة
قبل ما أي طلب يروح لمزوّد الذكاء الاصطناعي، البيانات الشخصية بتتشال منه آليًا. ومؤشرات مشروعك مش بتدخل تقرير أي مستثمر إلا بموافقتك الصريحة.
استلام موثّق
لو بتبيع أو بتشتري مشروع رقمي، الاستلام الموثّق بيسجّل كل بند اتسلّم ببصمة رقمية ومحضر — والمنصة مسجّل تقني محايد مش ماسك فلوس.
مش مستشار ولا وسيط مالي
المنصة مش طرف في أي صفقة، ومش بتمسك فلوس، ومش بتقدّم نصيحة استثمارية. القرار قرارك، واستعن بمتخصصين.
مين بيشغّل المنصة
startupme بتشغّلها «شركة حلول أوكتا ذ.م.م» (OCTA Solution LLC)، شركة برمجيات مصرية ذات مسؤولية محدودة، مقرها القاهرة، واتأسست سنة 2021.
المنصة حاليًا في مرحلة تجريبية (بيتا)، وممكن بعض الخدمات تتغير قبل الإطلاق العام.
www.octasolutions.net ↗عايز تكلّمنا؟
للدعم الفني والفواتير وانضمام مقدمي الخدمات والصحافة، ابعتلنا من صفحة التواصل أو على البريد مباشرة.